إفتح في تطبيق كوكبادالخطوات
- 1
نضع السكر والخميرة في ربع كوب ماء دافئ ونسيبها تختمر لحد م نجهز باقي المكونات
- 2
نضع الدقيق والملح والبيكنج بودرة واللبن البودرة ونقلبهم مع بعض ونضيف الزبادي وبعدين الخميرة اللي في الماء مع السكر ونقلب وبعدين نضيف الزيت ونضيف ماء فاتر للعجن على حسب احتياج العجينة ونسيبها ساعة تختمر
- 3
بعد م تختمر نقسمها كور صغيرة قد الليمونه ونسيبها ترتاح ربع ساعة، نيجي بقى لأهم خطوه: هنفرد أول كوره ونفرد عليها سمنه وبعدين نفرد تاني كوره ونحطها على الأولى وبرضو نحط عليها سمنه ونفضل نفرد ونحط سمنه ونحط التانيه على الأولى لحد خمس وحدات مثلا أو زي م تحبوا اخر واحده بس مش هنحط عليها سمنه وبعدين نشيل الطبقات اللي عملناها لحد م نخلص كمية العجين كلها وبعدين نبدأ بأول ٥ نفردهم تبقى بسمك نص سنتيمتر أو أرفع شويه ونساويها على شكل مستطيل أو مربع وبعدين نقطعها بالطول على حسب م نحب يكون عرض الباتيه
- 4
ونحشيها بالجبنة مثلا ونلفها رول كأنها سندويتش ونرصها في صينية ممسوحه بالزيت أو سمنه ونخلص الكمية كلها ونسيبها من ربع لنص ساعة تختمر أول م نلاقي حجمها تزايد، ونسخن الفرن على درجة حرارة 200 ونحضر بقى طبق فيه ملعقة سكر ومعلقة نسكافيه ومعلقة لبن بودرة ونقلبهم كويس وندهن بيهم وجه الباتيه قبل م ندخله الفرن ونرش سمسم أو حبة البركة أو حتى يتساب ساده(اختياري يعني) ويدخل الفرن لحد م نلاقيه اخد لون من تحت ونشغل الشوايه علشان ياخذ لون من فوق
- 5
وعلشان نحافظ عليه طري ممكن أول م نخرجه من الفرن نرش عليه مياه ببخاخ وبألف هنا على قلبكوا
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات (4)