تارتولات البنان
للسهرة وللسحور وتفرحي بيهم ولادك جاو هايلين بنة لا تقاوم
إفتح في تطبيق كوكبادالخطوات
- 1
بسم الله اولا نعمل العجينة في إناء نخلط المارغرين والزيت والسكر والبيضة والنشاء والملح حتى نتحصل على خليط كريمي ومتجانس
- 2
نضيف الفرينة (طحين) ولالوفير ونبدا نلم حتى نتحصل على عجينة طرية
- 3
نغطيها ب كيس بلاستيكي ونخليها ترتاح بعدما ترتاح نعملها فليكيسات نتاعها ونتقبها ونحطها بالفرن تطيب اي تستوي اي تستوي على 180درجة غير نشوفوها بدات تأخذ اللون الذهبي نجبدوها نخلوها تبرد مليح باش متتكسرش
- 4
نرجعو للكريمة في كسرونة نحط السكر والنشاء ونضيف عليهم الحليب بالتدريح مع التحريك ثم نضيف الصفار ونحرك مليح بالفوي حتى نشوفو بلي داب هداك النشاء ثم نحطوها على نار هادية مع التحريك المستمر حتى يعقادنا الخليط ويبدا يدير فقاعات ديك الساعة
- 5
نطفي عليه ونضيفولو الزبدة والفانيلا ونخلطو مليح حتى تذوب الزبدة هاديك نحطوه في صحن عريض نغطيوه بالبابي فيلم بشرط لازم البابي يلامس الكريمة باش متتشكلش طبقة يابسة ثم الى الثلاجة
- 6
كي نعينو على الكريمة بردت شويا نخرجها ونضربها بالباثور ونعمر لاباط نتاعي الل كنت طيبتها ونزينهوم حسب الرغبة انا ديرت البنان دوائر وزيدت دهنتو بالناباج وزينتو بخطوط من الشوكولاتة اول مرة نعملهوم جاو تحفة نتمنى يعجبوكم
كلمات ذات صلة
وصفات مشابهة
وصفات ننصحك بمشاهدتها
التعليقات