أول حاجه نعصج اللحمة المفرومه، هنقطع البصل قطع صغيرة ونشوحها في معلقتين سمنه وبعدين نحط اللحمة المفرومة والتوابل ونقلبهم ونسيبها لحد م تستوي

وبعد كدا نسلق المعكرونة، هنملى حلة ماء ونسيبها تغلي وبعدين نحط معلقتين زيت ونص ملعقة كبيره ملح ونسيب المعكرونه تتسلق(انا بخليها تستوي مش بحطها نص سوى)

هنحضر البشاميل بقى (في الخلاط بحط الدقيق و٢ مرقة ماجي وحسب م تحتاج ملح بعد كدا نضيف حاجه بسيطه، ونضيف اللبن والشوربة والجبنة المثلثات ونضربهم وبعدين نحطهم في حلة على النار ونخفف ونفضل نقلب فيه لحد م الخليط يتقل حسب ما تحبوا يكون تقيل أو خفيف

نجهز بقى الطاجن وندهنه زيت أو سمنه ونحط مغرفة بشاميل وبعدين نحط نص كمية المعكرونه ونحط عليها مغرفة بشاميل كدا نوزعها عليها وبعدين نفرد اللحمة المفرومة ، وفي حلة منفصله نحط باقي المعكرونه وعليها مغرفتين بشاميل ونقلبهم وبعدين نفرد المعكرونة على اللحمة ونضيف بقى باقي البشاميل ونرش عليها جبنة موتزاريلا مبشورة وتدخل الفرن نص ساعة لان الطاجن نفسه بياخد وقت لحد ما يسخن وبعدين نشغل الشواية تأخذ لون وبألف هنا 😍