انا بجيب البامية الصغيرة اكياس (جيفركس) نوع رائع وطازة ومش بقطعها عشان بضربها في الخلاط بعد كده

بحط البامية في الحلة وبغطيها بالشوربة وبحط الطمطماية والفلفل واسيبها تغلى عشر دقائق مش كتير واظبط الملح والفلفل

اسيبها تهدى شوية واحطها في الخلاط واضربها ضربة واحدة أو اتنين متقطعين مضربش كتير عشان مش هتبقي ظريفة

احط الثوم مع السمنة البلدي والكزبرة واعمل الطشة باني احطها تحمر على النار

احط البامية على النار واول ما تغلي احط الطشة

ملحوظة : السمنة البلدي مفيدة بس متكتروش منها في الاكل الملعقة دي بتتقسم على عدد كبير من الافراد يعنى نصيب الفرد بيبقي حاجة بسيطة جداً بس طبعاً افضل من السمنة النباتى دى مضرة جداً