اولا في كسرونة نحط الحليب والنشا والسكر ونحرك مليح بالفويي بارد في بارد ثم نحطو على نار هادية ونبقا نحرك بملعقة خشبية حتى يبدا الخليط يثقال وكي يغلي الغلية الاولى نطفي عليه

نضيفلو فانيليا وبوايط ياوورث فلان كراميل ونحرك مليح منبعد نقطع البنان(موز) نتاعي قطع صغيرة ونخلطو مع الكريمة ونخليها على جنب

نجبد كيسان التقديم نعمل شويا قاطو وكاوكاو اللي قلتلكم عليه ونزيد فوقو الكريمة المخلطة بالبنان نعمر الكيسان نتاعي كامل منبعد نزينهوم انا زينت بدواير بنان وشويا قاطو وكوكاو مرحيين وشويا حبيبات الشوكولاتة وخطوط من صوص الكراميل وحطيتهوم في ثلاجة يبردو على الاقل ساعتين الى ثلاث ساعات