إفتح في تطبيق كوكبادالخطوات
- 1
أول شيء نستعين بالله و بسم الله الرحمن الرحيم، بنسلق اللحمة بطنجرة الضغط وبنضيف المطيبات من البهارات وبصلة مقطعة ارباع وبرش البرتقال والليمون وبنشيل الزفرة بعدين بنسكر الطنجرة وبنترك اللحمة لمدة 40 دقيقة. ملاحظة ما بضيف الملح إلا في المرحلة الأخيرة.
- 2
بنخلط اللبن الرايب عالخلاط مع معلقة نشا وفلفل اسود وبهارات منسف ورشة صغيرة ملح ليمون اذا حبيتي يكون فيه حموضة. بنحط اللبن الي صار سائل بالطنجرة وبنضيف نصف علبة الجميد السائل او كلها حسب رغبتك وبنظل نحرك باتجاه واحد بدن توقف.
- 3
بنضيف على الخليط معلقة كبيرة سمنة بلدية او سمنة الأصيل الحيوانية ورشة كركم
- 4
لما يبلش يغلي بنضيف عاللبن من مرقة اللحم بقدر 3 اكواب او حسب الرغبة وبنحركه وبنتركه يغلي مع اضافة قطع اللحمة وبنتركه لمدة 10 دقائق ووقتها بنضيف الملح حسب الرغبة
- 5
بنطبخ الرز الي كان منقوع بمعلقة سمنة ومعلقة زيت قلي وبنضيف ملح وفلفل حسب الرغبة وبنحوسه شوي وبنغمره بالماء وبنغطيه وبنتركه على نار حامية
- 6
بس يغلي الرز بنوطي النار وبنتركه مغطى لحد ما تنشف المي وبنطفي تحته
- 7
بنفرم البقدونس وبنقلي اللوز
- 8
بنحط خبز الشراك باللبن وبنفرده بالسدر وبنسكب الرز عليه وبنرتب اللحمة وبعدين البقدنس واللوز وبصب عليه شراب اللبن. المليحية 😊
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات (36)