نطيب الدجاج مرقة بيضا نقليه مع بصلة فص ثوم الجزر مقطع رقيق نملح ونزيدو رشة ملح و رشة قرفة نقليهم مليييح ثم نمرق ونخليه يطيب. كييطيب الدجاج وتعقد المرقة نقطع الفص تع الثوم ونرشو شوية معدنوس (بقدونس) و طفو نحي الدجاج تاعي ونفتتو

المرقة لي بقاتلي نقسمها علزوج نص نخليه فالقدر والباقي نخلطو مع الياغورت الطبيعي(يمكن تعوضي بلكريمة الطازجة) وحبة البيض وشوية معدنوس (بقدونس) ورشة صغير ملح

نقطع البطاطامربعات ونقليها في مول غراتان نضع البطاطا المقلية نزيد الدجاج المفتت نزيد قطع صغير جبن طري ونفرغ عليهم خليط لي حضرناه ندخلوه للفرن ونخلوه ينشف و يتماسك وكي يوجد نضيفلو الجبن المبشور يذوب شوية ونخرجو

المرقة لي بقاتلي نضيفلها الزيتون الاخضر يكون مغلي ومقطع شرائح ورقة رند (غار) ونخلوه شوية فوق النار (اذا المرق قليل زيدي شوي ماء) وكي تروحي طفي كي شوية زعيترة بين يديك وضفيها ريحا تعطي مذاق رااااائع للزيتون و شهية طيبة