تحطي 3 كيلات فرينة (طحين او دقيق) و تضيفي النواشف ثم تذوبي الزبدة و تبسي بيها خليط النواشف بعدها تكيلي كيلة ماء زهر و تبدي تضيفي بالعقل و تلمي حتى تتحصلي على عجين طري

تشكلي العجين كويرات و تغلفيها بالسيلوفان و تخليها ترتاح قد ما رتاحت قد ما تساعدك في الخدمة (انا خليتها ليلة كاملة في الثلاجة)

كيلي 3 كيلات كاوكاو معاهم كيلة سكر كلاصي ومغرف ماكلة زبدة وقطعة شامية وتعاودي ترحيه حتان (حتى) يتشكل عجين ضيفيله فرينة (طحين او دقيق) محمصة مليح مليح باه كي ندخلوه للفرن تبقى حبة الحلوة محافظة على شكلها

نغلف الحشو بالسيلوفان ونضعه في الثلاجة يرتاح بعد ما يرتاح نحل العجين رقيييق ونشكل حربوش تاع الحشو وندير دورة ونصف ونبدى نشكل بموس ماضي مليح خطوط مائلة 6 خطوط والسابعة نقطع ونضغط عليها بصباعي ونريقل الاحراف تاعها ونحطها في صينية فرن يكون مسخن من قبل

اما الشكل الثاني ندير حربوش بالحشو والعجين ونمسح عليه ابيض البيض ونحط عليه الكاوكاو يكون محمص ومرحي وندخله للفرن حتان (حتى) يطيب