نقطع الفلفل و البصل و الطماطم مربعات صغيرة نرابي الشحمة و نخلط في ايناء واسع الفلفل الحلو و البصل و الطماطم و نصف كمية الفلفل الحار و نظيف عليهم الملح و طماطم معلبة و التوابل و نخلطهم بالخلاط الكهربائي حتى تمتزج المكونات جيدا و تزيد تترحى باه متقطعش العجينة

في كل وحدة تاع محاجب نحتاج 4 قرصات عجين نقسمهم 2للطبقة الأولى و 2 للطبقة الثانية و ندير الفرينة و الزيت بين كل قرصتين باه تجي مورقة نفتح الطبقات و نحط الحشو في الطبقة الأولى و نحط عليها الطبقة الثانية

قبل ما نحط الطبقة الثانية ندير الشحمة و الفلفل حسب الاذواق و كل واحد واش يحب

نحلها بيدي مليح في السنية قبل ما نحطها على الطاوة طيب و كي نحطها على الطاوة نبقى ندور و نقلب فيها منغفلش عنها لانه لحديد سريع في الطياب

و شهية طيبة و صحة فطوركم 😋