Logy Mohamed @cook_21778638
لا بصي انا كنت بعمله بفول الصويا بس عرفت انه مش حلو بالذات علي الاطفال فحطيت البرغل بداله وصدقيني فعلا احلي وطعمه زي بتاع حلواني بالظبط
Om Hana❤❤ @Om_Hana_2008
طيب معلش انا ملاحظه ان بتاعك ماشاء الله شكله لذيذ فبتاعي وقت القلي بيفرول شويه فعل البرغل بيفرق برضو وممكن اضيف البروغل للكفته نفس النظام
Logy Mohamed @cook_21778638
بصي هو لما هتضربيه في الكبه وبتبقي عجينه متماسكه كده عمرها ما هتفرول وهتبقي ماسكه نفسها بس لازم تتضرب في الكبه كويس انا عندي قناه ومنزله الفيديو بتاعه بالتفصيل لو عايزه ابعتلك الاينك بتاعو ابعتهولك
Logy Mohamed @cook_21778638
بالنسبه للكفته انا بعملهامن غير اي حاجه خالص لا برغل ولا بقسماط ومش بتفرول انتي بس علي نصف كيلو لحمه بتحطي بصله متوسطه مبشوره وصفي منها شويه الميه بتاعتها عايزه تحطي بقدونس مفروم تمام مش عايزه خلاص مع البهارات بتاعتك اللي انتي عايزاه وتقلبيها فيه اهم حاجه تخلطيها كويس اوي بايدك في اللحمه وصبعيها وحطيها في الصنيه عمرها تفرول منك اللي يخليها تفرول ان اللحمه فيها ميه ممكن تبقي من البصل او مزوده البصل فيها
