في إناء نخلط السميد مع الفرينة (طحين) نضيف قرصة ملح ونطمه بالسمن، نخدمه مليح فيديا ونخليه يرتاح

ننقي الغرس ونضيف له قطرات زيت أو مارغارين وشوية جلجلان (سمسم) إذا حبيتي

نرجع للخليط تاعي ونبله بشوية ماء وماء الزهر حتى نتحصل على عجينة متماسكة ثم نشكل حربوش كبير ونضع بداخله حربوش اصغر من الغرس، نغلقه مليح باه ميتحلش ونقطعه مقروطات بواسطة طابع أو بدونه ثم نقليه في زيت سخونة على نار قليلة

كي يطيب (يستوي) نقطره ونعسله، اذا كان بارد نسخن لعسيلة اذا كان سخون نستعملها ديراكت والتزيين حسب الرغبة