الخطوات
- 1
في الخلاط هتضربي كوب السكر مع اللبن بس مش كله تسيبي ثلث الكوباية مع نص كوب الكاكاو وبعدين تضيفي الزيت بالتدريج بعد كدا هتاخدي كباية من الصوص دا وتشيلي في الثلاجة
- 2
وتحطي باقت كباية اللبن ومعاها البيضتين ورشه الفانيليا ،،، هتحطي في طبق الخليط دا وتحطي عليه كباية الدقيق وكيس البيكنج باودر وتقلبي بعدين تفضيهم في صينيه مستطيلة مدهونه زيت ومرشوشه بالدقيق ويتحط في الفرن على درجة حراره 180 ويكون الفرن سخن من قبلها هتقعد حوالي ربع ساعة دا الكيك
- 3
الحشو بقي عباره عن كريم شانتييه سهل خالص مفيهوش حاجة تجيبي كريم شانتييه تضربية مع كباية لبن ساقعة
بعد ما الكيك استوي هتسبيه يبرد - 4
وبعدين تقسميه نصين وتكوني مجهزه كوب فيها لبن وشويه كاكاو وسكر وتقلبيهم وتسقي الكيك بيها علشان تطريه وتخلي طعمه حلو وبعدين تحطي الكريمة عايزه تحطي مكسرات حطي
- 5
وبعدين تحطي النص التاني وتقومي جايبة الكوباية اللي كنا شايلنها بتاعت الصوص تحطي على الوجه وتوزعيها وتقطعي الاحرف وبعدين تقسمي الكيك بقي على شكل الجاتو وتزوقي زي ما تحبي ووبس كدا😍
وصفات مشابهة
وصفات ننصحك بمشاهدتها
التعليقات