في الكوكوط حطيت اللحم، البصل، الطماطم، القرفة، الكركم، الزيت، الحمص، مرق الخروف، خلط كل شيء بارد صبيت عليهم الماء وحطيتها فوق النار تغلي من باعد قفلت وخليت حتى طاب اللحم

حليت الكوكوط زدت المرمز والفريك ودرست الثوم وخليتها تغلي حتى طاب الفريك والمرمز

كسرت الطاجين مع الشوربة، ٣ كوب دقيق رقيق، ملعقة كبيرة زيت، م وسط، خميرة الخبز، ملح حسب الرغبة، والماء دافئ

في العجانة نحط الدقيق والخميرة والملح ونبسس بالزيت من باعد نصب الماء ونعجن بالشوي حتى نتحصل على عجينة متاع طاجين الطين ماشي طرية ماشي قاسحة نعجنها مليح من باعد نخليها تتخمر

من باعد نعجنها شوي حتى يتفش لخمور نعمل ٢ قرص نخليهم يرتاحو في كيس ومنديلة من باعد نحل الطابونة على الطاجين باش يسخن نحل بالوحدة ونطييب وشاهية طييبة