ટીકી બનાવવાની રીત ::::: હવે સૌપ્રથમ બટાકા અને કેળા ને બાફી લો ત્યારબાદ બંને ને મેષ કરો હવે તેમાં બ્રેડને ક્રશ કરીને નાખો.સીંગદાણાનો ક્રશ કરીને નાખો હવે તેમાં લીલા મરચાં, લીલા ધાણા, પાલક સમારેલી, જીરુ, મીઠું, ચાટ મસાલો,હળદર અને લાલ મરચું પાઉડર ઉમેરી માવો તૈયાર કરો. હવે તૈયાર કરેલા માવામાંથી એક થોડો માવો હાથમાં લેવો અને તેમાં ગ્રેટ કરેલ ચીઝ મુકો હવે તેને બંધ કરી દો અને ટીકી તૈયાર કરો

બધી જ ટીકી એવી રીતે તૈયાર કરો અને પછી તેને સોજી માં રગદોળીને મૂકો

હવે આ ટીકીને તેલમાં તળી લો

ખાટી મીઠી ચટણી બનાવવાની રીત ::: આમલીને એક કલાક પલાળી તેનું પાણી બનાવવું અને હવે એક તપેલીમાં આમલીનું પાણી,ગોળ,ખજૂર, મીઠું મરચું અને વરિયાળી આ બધી વસ્તુ નાખો અને તેને ગેસ ઉપર ગરમ કરવા મૂકો. અડધો કપ પાણી ઉમેરો અને 10 મિનિટ સુધી ધીમા તાપે બરોબર ઉકળવા દો આપણી મસ્ત આમલીની ખાટીમીઠી ચટણી તૈયાર છે

લીલી ચટણી બનાવવાની રીત:::: લીલી ચટણી માટે બધી સામગ્રી મિક્સર બાઉલમાં એડ કરો જેમકે લીલા ધાણા, 1 ડુંગળી, 1 લીંબુ, 4 લીલા મરચાં, ૮-૧૦ લસણની કળી, મીઠું 1 ઈંચ આદુનો ટુકડો, 1 ટેબલસ્પૂન જેટલા સીંગદાણા આ બધું મિક્સરમાં ક્રશ કરી લો લીલી ચટણી તૈયાર છે

છોલે બનાવવાની રીત:::. છોલે બનાવવા માટે છોલે ૮ કલાક પલાળી રાખવા અને પછી તેને બાફી લેવું હવે એક કડાઈમાં તેલ ગરમ કરવા મૂકો. તેલ ગરમ થાય એટલે તેમાં તજ લવિંગ અને તમાલપત્ર નાખો ત્યારબાદ તેમાં રાઈ જીરું હિંગ અને આખા ધાણા ઉમેરો હવે પછી તેમાં બેસણ ઉમેરો અને પાંચ મિનિટ સુધી સુગંધ આવે ત્યાં સુધી બેસનને શેકો. બેસણનો કલર ચેન્જ થાય અને સુગંધ આવે એટલે તેમાં તરત જ ચણા ઉમેરો હવે તેમાં ધાણા, લાલ મરચું, મીઠું, હળદર અને ગરમ મસાલો ઉમેરો

બધા મસાલાને બરોબર મિક્સ કરો અને બે મિનિટ સતત હલાવતા રહો ત્યારબાદ તેમાં ટામેટા ની પ્યુરી ઉમેરો અને બરોબર મિક્સ કરો. હવે તેને પાંચ મિનિટ ધીમા તાપે ચડવા દો ત્યારબાદ તેમાં 2 કપ પાણી ઉમેરો. અને હવે તેને બરોબર 10 મિનિટ સુધી ઢાંકીને ચડવા દો. બરોબર ચડી જાય એટલે પછી તેમાં ઉપરથી થોડો ગરમ મસાલો અને લીલા ધાણા ઉમેરો તૈયાર છે આપણા રગડો છોલા

તમે એને જુદી જુદી રીતે ગાર્નિશ કરીને સર્વ કરી શકો છો