ચણાનું શાક બનાવાની રીત :સૌપ્રથમ કૂકરમાં ચણાને મીઠું નાખીને બાફી લો.હવે એક કડાઈમાં તેલ ગરમ કરવા મૂકી તેમાં રાઈ, જીરું,હિંગ, મીઠો લીમડો અને ત્યારબાદ ટામેટું નાખો... ત્યારબાદ બધા સૂકા મસાલા ઉમેરી દો.. હવે તેમાં બાફેલા ચણા નાખી દો... હવે લીંબુનો રસ, મીઠું અને ખાંડ ઉમેરો.. હવે અડધો ગ્લાસ જેટલું પાણી ઉમેરીને પાંચ મિનિટ માટે ધીમા તાપે થવા દો...ચણાનું શાક તૈયાર છે...

સુકીભાજી બનાવાની રીત :કડાઈમાં તેલ ગરમ તેમાં રાઈ, જીરું,હિંગ, મીઠો લીમડો, તલ અને ત્યારબાદ ટામેટું નાખો... ત્યારબાદ બધા સૂકા મસાલા ઉમેરી દો.. હવે તેમાં બાફેલા બટેટાનાં ટુકડા નાખી દો... હવે લીંબુનો રસ, મીઠું અને ખાંડ ઉમેરો..બધું સરસ મિક્સ કરી લો..આપણી સુકીભાજી તૈયાર છે.....

ગુજરાતી દાળ બનાવાની રીત :સૌપ્રથમ પહેલા કુકરમાં દાળને ધોઈને બરાબર સાફ કરીને બાફવા મૂકી દો.. તેમાં મીઠું અને સિંગદાણા ઉમેરીને ઢાંકણ ઢાંકી દો. ચાર સીટી વાગે ત્યાં સુધી બાફી લો.હવે બફાયેલી દાળને જેરણીની મદદથી ક્રશ કરી લો.. તેમાં કાપેલું ટામેટું અને લીલા મરચું ઉમેરો.. કડછીમાં દાળ લઇ તેમાં હળદર અને લાલ મરચું નાખી દો. જ્યારે વઘાર કરીશુ ત્યારે આ કડછીની દાળ ઉમેરીશુ.. હવે કડાઈમાં વઘાર માટે તેલ મૂકી તેમાં રાઈ, જીરું, હિંગ અને તમાલપત્ર અને સૂકા લાલ મરચાં એડ કરી દો..ત્યારબાદ કડછી વાળી દાળ નાખી દો..

એવુ કરવાથી દાળનો કલર એકદમ મસ્ત આવે છે.. હવે દાળમાં ઉભરો આવી જાય એટલે બાકીની દાળ પણ ઉમેરી દો.. હવે તેમાં લીંબુનો રસ અને ખાંડ નાખી 5 મિનિટ માટે ધીમા તાપે ઉકળવા દો.. ત્યારબાદ આપણી દાળ બિલકુલ તૈયાર છે...

જીરા રાઈસ બનાવાની રીત :બાસમતી ચોખાને પાણીમાં બાફી લો.. ત્યારબાદ તેને કાણા વાળા વાટકામાં નિતારી લો.. વઘાર માટે 1 ચમચી તેલ મૂકી તેમાં જીરૂં નાખી કાજુનાં ટુકડા નાખી થોડા ગોલ્ડન સેકી લો.. હવે તેમાં બાફેલા ચોખા ઉમેરી સૂકી દ્રાક્ષ નાખી મિક્સ કરી લો.. આપણા જીરા રાઈસ બિલકુલ તૈયાર છે...

મીઠું દહીં બનાવાની રીત :મોળા દહીંમાં ખાંડ ઉમેરી ખાંડ ઓગળી જાય ત્યાં સુધી મિક્સ કરી સ્મૂથ બનાવી ફ્રિજમાં ઠંડુ કરી ઉપરથી પીસ્તાથી સજાવો...

પુરી બનાવાની રીત :લોટ લઇ તેમાં મોંણ, હળદર અને મીઠું નાખી લોટ બાંધી લો.. ત્યારબાદ 5 મિનિટ માટે ઢાંકીને રેવા દો.. પછી એમાંથી પૂરીઓ વણીને તેલમાં તળી લો.. આવી રીતે બધી પૂરીઓ બનાવી લો...

ચોકલેટ મોદક બનાવાની રીત :બિસ્કિટને મિક્સર જારમાં ક્રશ કરી લો.. ત્યારબાદ ચોકલેટને ડબલ બોઇલરની મદદથી મેલ્ટ કરી બિસ્કિટમાં મિક્સ કરી મિશ્રણ બનાવી મોદક તૈયાર કરી લો.. આવી જ રીતે બધા મોદક બનાવી લો...