ટમેટો મોદક બનાવવાની રીત:-ટમેટાને ધોઈને પાંચ મિનિટ માટે ગરમ પાણીમાં ઉકાળી લો.ત્યાર બાદ તેની પ્યૂરી બનાવી લો..હવે એને ગરણીની મદદથી ગાળી લો.. કોર્નફ્લોરને પાણી ઉમેરીને પેસ્ટ બનાવી લો..હવે કડાઈને ગરમ કરી તેમાં પ્યુરી એડ કરો.ત્યારબાદ તેમાં ચપટી ફૂડ કલર ઉમેરો.હવે તેમાં કોર્ન ફ્લોરનું પાણી ઉમેરો..હવે ખાંડ ઉમેરો..હવે તેને સતત હલાવીને જાડુ મિશ્રણ તૈયાર કરી લો.ત્યારબાદ તેમાં એક ચમચી ઘી ઉમેરો... હવે ઠંડુ કરી લો.ત્યારબાદ તેમાંથી મોદકનાં મોલ્ડથી મોદક બનાવી લો.થોડાક લાડુ બનાવી લો.ઉપરથી ટોપરાનાં છીણથી સજાવો..

કાજુ ટમેટાનું શાક બનાવવાની રીત:- સીંગદાણા અને અડધી કલાક માટે પાણીમાં પલાળી દો.કાજુને ચમચી ઘીમાં ગોલ્ડન ફ્રાય કરી લો.ટમેટાને ધોઈને પાંચ મિનિટ માટે બાફી લો.તેની પ્યુરી બનાવીલો.આદું,લસણ,મરચાની પેસ્ટ બનાવી લો.સીંગદાણાને ક્રશ કરીને પેસ્ટ બનાવી લો.

એક કડાઈમાં તેલ ગરમ કરવા મૂકી તેમાં જીરૂ અને હિંગનો વઘાર કરો.હળદર લાલ મરચાનો પાવડર અને ધાણાજીરું ઉમેરો.હવે તેમાં ટમેટાની પ્યૂરી એડ કરો.. ટમેટાની પ્યુરી સંતળાઈ જાય એટલે તેમાં ક્રશ કરેલા સીંગદાણાની પેસ્ટ ઉમેરો.હવે તેમાં મીઠું,લીંબુ,ખાંડ ઉમેરો. ત્યારબાદ તેમાં એક કપ પાણી ઉમેરો.. તળેલા કાજુ ઉમેરો.. 5 મિનિટ માટે ઢાંકીને થવા દો.. આપણું શાક બિલકુલ તૈયાર છે...

ટમેટો પુલાવ બનાવાની રીત :-બાસમતી ચોખાને 1 કલાક પેલા પાણીમાં પલાળી દેવા..1 કલાક બાદ મીઠું અને તેલ નાખી બાફીને ઓસાવી લેવા. હવે એક કડાઈમાં તેલ લઇ તેમાં રાઈ, જીરું, હિંગ, મીઠો લીમડો,લીલા મરચાં અને ડુંગળી ઉમેરો.. ડુંગળી સંતળાય જાય એટલે ટમેટાની પ્યુરી અને કાપેલા ટમેટા ઉમેરો.. હવે ત્યારબાદ બધા સૂકા મસાલા ઉમેરો.. હવે એમાં ખાંડ અને મીઠું ઉમેરો. હવે ત્યારબાદ રાંધેલા ભાત ઉમેરી દો.. બધું સરસ મિક્સ કરી ઉપરથી લીલા ધાણાથી સજાવો..

ટમેટો ચટણી બનાવાની રીત :-ટમેટાને ધોઈ 5 મિનિટ માટે ગરમ પાણીમાં બાફી લો.. ત્યારબાદ છાલ ઉતારી મિક્સર જારમાં ક્રશ કરી લો. મરચા, આદું, લસણને પણ ક્રશ કરી લો..હવે કડાઈમાં તેલ ગરમ કરી તેમાં હિંગ નાખી લાલ મરચું પાવડર નાખીને ટમેટાની પ્યુરી અને આદું, લસણ અને મરચાંની પેસ્ટ ઉમેરી દો..સ્વાદમુજબ મીઠું નાખી 5 મિનિટ માટે થવા દો.. તેલ છુટ્ટુ પડી જાય એટલે આપણી ચટણી તૈયાર છે...

ટમેટા પુરી બનાવાની રીત :-ઘઉંના લોટ લઇ તેમાં સ્વાદ મુજબ મીઠું, જીરૂં, હળદર અને તેલનું મોંણ ઉમેરો.. હવે તેમાં ટમેટાની પ્યૂરી ઉમેરી સરસ મિક્સ કરી દો.. હવે પાણીની મદદથી પૂરીનો લોટ બાંધી લો... હવે લોટમાંથી પૂરીઓ વણી લો.. ત્યારબાદ તેને તેલમાં તળી લો.. તૈયાર છે.. ટમેટો પુરી..

હવે આપણી આખી ટમેટા ફ્લેવરની થાળી બિલકુલ તૈયાર છે.. તેને ગરમ ગરમ સર્વ કરો....