في جفنة نضع السميد والدهان نبسسه جيداً بيدي نأخذ معاه وقت حتى يتجانسو جيداً حوالي 10 دقائق إلى 15 دقيقة و نبدأ نشمخ فيه نقسم الماء على ثلاث دفعات نضع الكمية الاولى و نطم بالاصابع و نخليه يريح 5 دقائق نعاود نشمخو بالكمية الثانية و نخليه 5 دقائق و نعاود الكمية الثالثة حتى تتشكل عجينة

نأخذ كمية قليلة نبسطها على شكل حربوش و نفتحها في الوسط نضع الحشو و نغلق نحاول نسويه على شكل حربوش و نقسمو مقروطات ننقشوهم بالنقاش اختاري او تخليه عادي و نقلوهم في زيت متوسطة، بعد ما انحيه مالزيت مباشرة نديرو فالعسل نخليه مدة و انحيه الا راح تقدميه في نفس اليوم عاوديلي التعسيلة الثانية

بالنسبة الغرس بعد ما تنقيها ضيفيلو مغرف صغيرة زبدة او سمن و اعجنيه قليلا بماء الزهر حتى يولي طري