نفورو الطعام و كي نعاوده ما نشمخوهش بزاف لانه الخضار الاخرة رايحة تطلق ماها كي نبخوه بالماء نخلوه شوي و من بعد نضيفولو البصل و الثوم المدروس و التوابل و الطماطم المرحية و نتاع العلب المعدنوس (بقدونس) و الفلفل و الزيت و نمحروه بين يدينا بالعقل باش ندخل المكونات كل مع بعضاها و الكسكس يتشرب لاصوص و النكهات و نخلوه شوية قبل مانديرو هذ العملية بعد ما فرغنا الكسكاس نحطو الخضر المقطعة اللي درنالها شوي ملح تفور بعد كي توصل لنصف النضج نحطو فوقها الطعام و نخلوهم يفورو مليح

بعد مايفور و يطيب (يستوي)نفرغه في قصعة و نضيفلو زيت زيتون و زيتون اخضر مقطع (اختياري) و نزينوه كيما اي مثل نحبو مع فلفل مقلي و الا منڨوع صدقوني طبق نقدرو نقولو عليه صحي كلش مفور و اش نقلكم لوكان يجي حتى ممممم بنة على بنة.بصحة و الراحة