كيكه التيراميسو الايطاليه

اول خطوه عشان نعمل الكيكه هنحط بياض البيض و بالمضرب الكهربائي و نضربهم كويس اول مايبقي بالشكل ده نوقف ضرب وبعدين في بوله تانيه نحط صفار البيض و حطينا ٢ صفار بس عشان التالته هنستخدمها في الحشوة و مع الصفار السكر البودرة و ٢ كيس فانيلا ونضرب كويس لغايه لما يبقى لونها فاتح كده كريمي طبعاً هي عشان مفيهاش البياض هتبقي مكتله كده عادي

بعد كده هنضيف على الصفار اللبن و الزيت و نضرب وبعدين بياض البيض نضيف و بادينا بقي و نخلط المكونات في اتجاه واحد من تحت لفوق و بعدين نضيف الدقيق و البيكنج بودرة و بعدين نخلطهم كويس بايدينا برضو

بعد كده نضيف الكاكاو و نضرب بالمضرب الكهربائي لغايه لما الخليط كله يمتزج ببعض و نضيف الخليط في صينيه مدهونه بالسمنه و مرشوشه دقيق او نحط ورق زبده و نسخن الفرن كويس و نضيف الكيكه على درجه حراره 180 هتقعد في الفرن من 20 ل 25 دقيقه

نيجي بقي نعمل الحشوه في حله او كسروله على البارد نضيف المكونات هنحط نص كيلو لبن و معاهم السكر و ٥ ملاعق دقيق و صفار البيضه و ندوبهم كويس و بعدين نروح نحطهم على النار على نار متوسطه و نفضل نقلب لغايه لما القوام يتقل معانا و يبقى بالشكل ده قبل مايبدا يغلي كده هنضيف ٢ كيس فانيلا و الخطوه دي مهمه نحط الفانيلا في الاخر و كده الحشوه تكون جاهزه

الخطوه الى بعد كده هنعمل الصوص كوب ماء هنضيف ٢ ملعقة قهوه و ٥ ملاعق سكر و ندوبهم كويس الصوص ده بيعطي طعم حلو اوي للكيكه و بعد اما نخرج الكيكه بتاعتنا و بردت هنقسمها نصين و نضيف النص الاول في الصينيه تاني و نغرقها بالصوص

و بعدين نضيف نص كميه الحشوة و نوزعها كويس و بعد كده نحط الطبقه التانيه و ندهنها بالصوص و نضيف باقي كميه الحشوة على الوجه و نوزعها كويس و بشكل حلو نسويها عشان دي اخر طبقه

و بعد اما وزعناها كويس نبدأ نرش كاكاو على الوجه و كده الكيكه بتاعتنا تكون خلصت و الف هنا 👌😋 و تقدروا تشوفوا فيديو للكيكه على القناه عندي