في وعاء نضع 500 غ فرينة (طحين او دقيق) نزيد الخميرة ونفرغ الماء ونخلط ثم نضيف الملح حتى نتحصل على عجينة تكون جارية نقعد نخبطها باليد ح تولي ملساء ونتركها تختمر

كي تختمر نكسر التخمار ونعاود نخليها تختمر نكرر العملية 3مرات

وفي الأخير ندير دوائر صغار ونحطهم في صينية مدهونة بالزيت ونغطيهم ونحط فوق النار مقلاة فيها حوالي 4ملاعق زيت ونضع ايضا كسرونة فيها زيت كمية مليحة ونديروا يسخن

نفتح العجينة ونحطها في المقلة وكي تحمر نفرغ الزيت لي كنت حطيتو في الكسرونة في المقلة بجانب الحبة و نفرغ عليها بالمغرف ثم نقلبها وكي تاخذ لون ذهبي نحيها ونكمل باقي الحبات بنفس الطريقة