جاتوه شاتوه
الخطوات
- 1
نحط السكر والزيت واللبن والكاكاو مع بعض في الخلاط بعد ما يتخلطو كويس نأخذ من الخليط ده كباية نحطها في الثلاجة (ده صوص الشوكولاته)
- 2
والباقي في الخلاط زي ما هو هنلاقيه تقيل اوووووي كده نحط عليه البيض والفانيليا والخل عشان زفارة البيض بس ونضربهم مع بعض في الخلاط وبعدين نحطهم في بولة العجن ونكون مجهزين الدقيق وعليه البيكنج باودر وننزل بيه على الخليط واحدة واحدة مع التقليب في اتجاه واحد
- 3
نكون مشغلين الفرن عشان يسخن وبعد كده نظبطه على درجة حرارة 180 ونحط الصينية لمدة ثلث ساعة من غير ما نفتح عليها وبعد التلت ساعة نختبرها بسكينة كده عشان نشوف استوت ولا لو لسه نهدي عليها الفرن ونسيبها لحد ما تستوي ولما تبرد بقى تتقلب ويتحط الصوص عليها وبالهنا والشفا ♥️
- 4
الصورة دي كانت نتيجة مقدار ونص من المكونات لصينية مقاس ٢٨ وكل واحد بقى طبعاً يظبط المقدار على حسب مقاس الصينية يارب تجربوها وتعجبكو إن شاء الله ♥️
وصفات مشابهة
وصفات ننصحك بمشاهدتها
التعليقات