بسم الله نبدأ نجيب إناء وندير فيه السميد والسكر و الفانيلا والملح وتخلط ثم نضيف كأس ما الزهر بالتدريج ونبسس جيداً ونخلي السميد يريح شوية

ندهن صينية بشوية زيت ونفرغ السميد ونوزعو بدون مانضغط عليه ونسوي الوجه باستعمال كوبات

وندخلها للفرن يكون مشعل من قبل ونخليها تطيب اي تستوي ملتحت ولما تتحمر الجوانب نشعل ملفوق ونخليها حتى تتحمر

من جهة اخرى ندير الشربات ندير السكر والماءفي كسرونة ونخليه يغلي مدة 15 دقيقة ونطفي عليه ونزيدلو كاس ماء الزهر

لما نخرجو الشامية من الفرن نشربوها بالسيرو على 2 مراحل نفرغو كمية من الشربات ونخليها تتشرب ثم نزيدو الكمية اللي بقات ونردوها للفرن نخليوها تشرب من الاحسن خليوها تبات وشهية طيبة