طبق بانيه وبرجر جريل
الخطوات
- 1
هنحط البانية في بولة وعليه ملح وفلفل وكمون وقرفة وزيت زيتون ودبس الرمان ونغطية بكيس أو أي غطا وندخله الثلاجة حوالي ساعة
- 2
في حلة هنسلق البطاطس والجزر نص سلقة
- 3
هنجيب صنيا ونحط فيها زيت زيتون وبعدها نطلع البطاطس والجزر من الحلة على الصينية على طول ونحطلهم ملح وفلفل وكمون وكركم وزعتر ونوزع عليهم بالتساوي صوص صويا وزيت زيتون من تاني ونغطي الصينية ونخفف العين خالص ونسيبها حوالي 10 دقائق تأخذ لون
- 4
بعد 10 دقائق نرفع الغطا من عليها ونقلبها براحة عشان البطاطس متتكسرش ونعلي العين لحد ما صوص الصويا وزيت الزيتون يتشربوا خالص وبعدها هتكون جاهزة
- 5
في مقلاة جريل هنحط شرايح البانية والبرجر وباقي الصوص الباقي من البانية هنحطه فوق البانية ونخفف العين ونقلبهم لحد ما يستوي من غير ما نحط اي زيوت في المقلاة
- 6
في طبق هنحط الفلفل الأخضر والطماطم والخيار ونحط ملعقة جبنة من علبة الجبنة الكيري وانا استخدمتها كصوص مع الاكل وممكن تستغنوا عنها عادي وتستبدلوها بأي حاجة ونرتبهم في الطبق بشكل كويس ونحط البانية والبرجر والبطاطس والجزر وبالهنا والشفا
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات