التحضير ***نغربل 2كيلات سميد رطب + كيلة فرينة (طحين او دقيق) ثم نزيدلها قرصة ملح و نضيف الماء بتدريج حتى الحصول على عجينة ماشي طرية ///شوية يابسة /// ثم نقسم العجينة الى 3كرات ثم نغيطهم و نخليها ترتاح حوالي 30 دقيقة

بعدما ارتاحت العجينة نحلها بالحلال ثم بالماشينة على رقم 5 ثم 7 في كل مرة نستعمل الفرينة (طحين) للحل ثم نضعها على قطعة قماش و نتركها تنشف

بعدما تنشف نقطعها في الماشينة في جهة رشتة و نضعها في كسكاس مدهون بالزيت ثم نفورها بكميات صغيرة و بعدما تتفور نزيد نفتحا بقليل من الزيت و هي ساخنة ثم نتركها تبرد ثم تصبح جاهزة.