نبسس مليح دقيق مع زبدة لمدابه مع لملح نخليهم يرتاحو. من جهة نحط في نفس لكيلة لكيلت بيها زبده ودقيق نعمل فبها نص ماء نص ماء زهر اوبعد نبدأ نشمخ في دقيق حتى نتحصل على عجينه طرية نغطيها نخليها تريح شوي بيدما نوجد لغرس يكون منقي نديرلو شوي زبدة شوي جلجلان (سمسم) شوي قرفة نشمخو بالقليل من ماء الزهر نعجنو مليح بيدي نشكل حرابش طوال نخليه بجهة.

نرجع للعجين نأخذ كمية نشكلها حربوش نفتحو في نص نحط حربوش نتاع تمر نغلق عليه نساويه مليح نقطع مقروطات نساوي أطراف لحبة نحطو في صينية الفرن نحط كل حبة قدام أختها

لصقهم مع بعض باش ميتحرقش تمر على أطراف ندخلهم في الفرن يطيبو على نار قليلة حتى ياخدو لون ذهبي. اوبعد نبدأ نعسل فيهم في عسل يكون بارد نزينهم بجلجلان أو حبيبات قرنفل، صحة وهناء