صابلي خفيف لقهوة المساء

نخلط الزبدة مع البيض والسكر مليح ونضيفولها رشة الملح ونزيدوها الفاني او ماء الزهر ونخلطو حتى يذوب سكر نضيفو الفرينة حتى تنشف ومانشفوهاش بزاف نقسمو العجينة على اثنين نص نخلوه عادي ونص نديرولو الكاكاو النص لي فيه الكاكاو نديرو الجلجلان ومبعد نديرو حرابش صغار ونفتحو العجينة العادي بالحلال ونديرو فيها الحربوش لي فيه الكاكاو ونحربشوها من جديد كيما المقروض نلموها مليح ومبعد نديرو بالفرشيطة (الشوكة)ونضغطو على العجينة باه يجينا شكل مليح ونقصو بالموس على شكل مقروضات ونخلوها طيب في الفرن لفوق وتحت

مدة ربع ساعة على درجة ١٨٠وصحة وعافية