قرشلة اطيب من المحلات وتحدي

بخلط الحليب والسكر والزيت حتى يذوب السكر بعدين بضيفلهم اليانسون الحب والمطحون والمحلب والفانيلا

بنخل الطحين والبيكنج باودر ورشة الملح وبضيفهم على الخليط السوائل وبخلطهم منيح

بعدين بصينية مستطيلة بحطلها ورق زبدة وبسكب الخليط فيها وبفردو منيح بشكل متساوي وبرش السمسم على الوجه وبضغط عليهم بشكل خفيف حتى يلتصق وبدخلها الفرن الحامي على نار متوسطة وبتاخذ من نص ساعة لساعة الا ربع متل طريقة خبز الكيك بشوفها بعد نص ساعة وبختبر ستوائها بعوط خشبي او سكين بس تستوي بحمر وجها وبطلعها وبتركها تبرد تمامآ

بعد ما تبرد بقطعها بالشكل المعروف وبفردها بصواني الفرن وبحمصها على نار هادية جدآ لحتى تنشف وتتحمر بقلبها على الجهة الثانية وبحمرها بنفس الطريقة وصحتين وعافية