بسم الله الرحمن الرحيم نحط الفرينة وملح وخميرة وزيت وسكر ونبسس لعجينة مليح ونلمها بالماء للحصول علي عجينة طرية تم نعجنها مليح حتي تصبح ملساء وطرية ونلفها بكيس نايلون ونخليها ترتاح ساعتين

تم نحط طاجين علي النار يسخن وتكون النار مرتفعة نوعاما باه يطيبنا الخبز بالخف وايضا ماييبسش وناخد كرة الاولي من العجينة ونرش فرينةفي طاولة العمل ونحلها دائرة ونحطها فوق الطاجين وكي تعمل فقاعات نقلبها علي الوجه الاخر

ومبعد نحطها في طرشونة كبيرة داخل كيس بلاستيكي ونكمل بنفس الطريقه كل الحبات ومبعد مايبردو نحيوهم من الطارشونة ونعملهم طاكوس او شوراما وهاذا الخبز يصلح لكل ساندويتشات

طريقة الاحتفاظ بيه نحط خبز طاكوس في كيس ونحتفظ بيه في المجمد الي وقت الاستعمال نجبو قبل بربع ساعة يصبح وكأنو جديد ويقعد حتي لشهر وهو في مجمد عادي

صدقوني هايل مجربتو اكثر من مرة واحسن ملي يتباع 👌👌👌👌