ناخذ قصعة صغيرة نحط فيها الفرينة والخميرة ونزيد سكر نخلطهم ونضيف الملح و2 ملاعق كبار خل ونخلط ونزيد زيت وندخلو فلخليط مليح ثم نلم بلحليب حتى نتحصل علا عجينة نخليها ترتاح نصف ساعة.

من جهة نحضر الحشو نقطع البصل مربعات صغار ونرحي الثوم ونديرهم يتقلاو علا نار هادئة حتا يذبال البصل نضيفله صدر دجاج مقطع مربعات صغار نخليهم يطيبو ثم نزيدلهم موتارد والتوابل والملح ونضيف معدنوس وكرافس ونخليهم يتقلاو مليح ثم نطفي ونخليه يبرد

نولي للعجينة بعد ما ريحت نقرصها مثل المعارك تنحيلي 8 كريات وندهنها بزيت ونخليها 10 دقائق ترتاح

بعد ما ترتاح الكويرات نبدا نشكل فيهم نحلهم بلحلال رقيق وندير فروماج مقطع مربعات ونزيد حشو ونبدا نغلق حتى تشكل حربوش رقيق نديرو فسنيوة حتا نكمل الكمية ندهنهم ببيضة وندير سينوج من فوق ونقطع الحرابيش كل حربوش علا ثلاث قطع ندخلو فرن يطيب من تحت ثم يتحمر من فوق