ساندويشات بالدجاج 😋

نخلط كلش مع بعض ونلمو بالماء الدافي نخليها تختمر من بعد نعاود نعجنها ونزيد نخليها ترتاح شوي ثم نشكلها قريصات ونزيد نخليها تختمر من بعد نقرصها رقيقة ونقطعها على الزوج نحطها في بلاطو مدهون بالزيت ونخليهم يرتاحو ثم ندخلهم للفرن

الحشو كيما اي مثل تحبو انا درتلو حشو الدجاج. نطيب زوج حبات بصل مقطعين مع ملعقتين زيت نضيف الدجاج طايب ومقطع قطع صغيرة فلفل حلو احمر واخضر مقطع قطع صغيرة ملح وتوابل ثم كي يطيب (يستوي) الخبز نفتحو ونضيف مايونيز وحشوة الدجاج وبطاطا مقلية وهريسة وقدميه بالصحة والعافية ساندويشات اروع مايكون