ملوخية دجاج و رز

مننقع الملوخية بناء فاتر لمدة ساعة تقريبا..

منسلق صدر الفروج ومنضيف الو الباقة العطرية((عود قرفة.. وحبتين هيل.. ورقتين غار.. ربع ليمونة)) ورشة فلفل و بصلة كاملة غير مقطعة

منصفي لملوخية ومنغسلا منيح كذا مرة بعدين منصفيا منيح منيح لحتى ما يبقى فيا لا ماء ولا مادة لزجة

منحمس الملوخية بمقدار ٥ ملاعق كبار من السمنه لحد ما يتغير لونا

منشيلا على جنب ومنحمس الثوم المهروس ومنقطع صدر الفروج ومنحطو فوق الثوم ومنضيف لملوخية ومنقلبن مع بعض

منضيف مقدار كوبين كبار من مرقة الصدر المطبوخ فوق الملوخية ومنرش عليها ملح وكزبرة ناعمه ومنضغطا بطنجرة الضغط نص ساعة.بعد ما تستوي منضيف عصير ليمونة فوقو..

الرز مننقعو ربع ساعة بماء دافية.. منغسلو ومنصفيه..

منحمص الشعيرية بالسمنه والزيت ومنضيف لكل كاسة رز.. كاستين ماء

بعد ما تغلي الماء والشعيرية منحط الرز فوقن ومنضيف الملح ورشة فلفل.. بعد ما تنشف الماء منهدي الغاز ١٠ دقائق وبيستوي.. وصحه وهنااا