في مقلاة نقشر البصل ونقطعو شوية رقيق ونحطو على نار متوسطة حتى يذبال مليح من بعد نزيد عليه الطماطم المسكرفجة مع الملح والزيت و شوية طماطم مصبرة ونقليهم مليح حتى يطيب (يستوي) الحشو ونخليها تبرد

في جفنة نحط الدقيق مع الفرينة (طحين) والملح والسكر والخميرة ونبسسها بشوية تع زيت ونلمها بشوية ماء دافي حتى تتلم لعجينة تكون مليحة نخليها ترتاح مدة نصف ساعة او اكتر

كي ترتاح لعجينة نحلها مدورة رقيقة شوية وندير داخلها الحشو ونقطع عليها الفرماج ونعاود نحط عجينة فوقها ونغلقها مليح ونطيبها فالطاوة حتى تحمر من الجيهتين

بالصحة والراحة😘😘