بعد ما نقشر البطاطا نغسلها ونحطها تغلي في الماء مع نصف م ملح

من جهةاخرى نقلي قطع الدجاج في المقلاة بعد ما نتبلهم بالثوم والفلفل الاسود والملح

كي يتقلاو نهزوهم ونحطو في نفس المقلاة بلاما نغسلوها حبة الطماطم المرحية ونخلوها تقلى في هاذيك العصارة نتاع الدجاج كي تنشف نحطو نصف كاس ماء ونخليها تختر ونطفي النار

ومن جهة البطاطا لما تنضج نصفيها ونحطلها كاس حليب وقطع الجبن وانا نحبها اكثر بالزبدة وبنتها فيها ونرحيها بالميكسور وانا نفضل نرحيها بيدي باش تجي حاكمة روحها

نفرغ في الصحن ونسقي بهاذيك العصارة لي طلعت من الدجاج وصحتين وعافية