في قصعة نخلط سميد وفرينة والملح ونبدا نشمخ بماء دافئ بلعقل حتى تتلايم عجينة تكون شوي يابسة نخليها ترتاح مدة ربع ساعة ونولي ليها نكمل نشمخها بشوي حتى تطرى العجينة نتاعنا ونخليها مرة ثانية تريح نصف ساعة ونعاود العملية نشمخا شوي ونبدا ندلك فيها مليح لمدة 10 دقائق حتى تسمعيها تترتق نخليها ترتاح.

بعد نصف ساعة نولي للعجينة نتاعي ونشمخ يديا غير شوي ونكمل ندلكها مليح حتى تولي رطبة وجاهزة.

بعد مانكمل عجينتي نشكلها كويرات ونحطهم في صينية مدهونة بزيت ونزيد نديرلهم الزيت من فوق ونغطي بكيس بلاستيكي شفاف ونخليها ترتاح ساعة كل ماطولت وهي ترتاح كل ما العجينة تكون ساهلة وناجحة ومتتقطعش.

نحضر صلصة محاجب:نقطع البصل شرائح رقاق ونرابي الثوم عليه ونزيد رشة ملح وشوي زيت ونخليه يتقلا على نار ناقصة حتى يذبال البصل ونزيدلو فلفل مقطع شرائح رقاق ونخليهم يزيدو يتقلاو مليح بعدها نضيف طماطم بعد مارحيتها وضفتلها توابل ونزيد ملح ونخلي المكونات مع بعض حتى طيبلي الصلصة نحيها ونرحيها.