الخطوات
- 1
اولا الكيكة هنضرب الخليط الاسبونج و٦ بيضات وفانيليا ونصف كوب الماء لمدة ١٠ دقائق متواصل لحد ما الخليط يتقل ويبقى لونه ابيض
- 2
نضيف الخليط لصينية مقاس ٢٤ او ٢٥ مدهونة كويس بالزيت بالفرن على درجة حرارة ١٨٠ لمدة ٤٠ دقيقة لما تستوي هنخرجها ونغطيها ونسيبها لتاني يوم
- 3
تاني يوم نبدأ فيها نقسم الكيك نصين او ٣ حسب الرغبة ونسقيها بشربات خفيف او سفن اب ونبدأ نجهز الحشو خليط الحشو الجاهز ومعاه نصف كوب لبن ساقع ونضرب لحد ما الخليط يتقل او كوب كريم شانتيه خام مع كوب لبن ساقع او ماء ساقع و٥ ملاعق سكر بودرة ونضرب لحد ما الخليط يتقل ونحشي ما بين الطبقات
- 4
بعدين نبدأ نعمل كريم شانتيه عشان الغلاف الخارجي هنغلف التورتة بيه وبعدين نحطها في الثلاجه ربع ساعة تتماسك ونبدأ بغلاف الشوكولاته نسيح على بخار ماء ربع كيلو شوكولاته خام ولما تسيح خالص نضيف نصف كوب اللبن الساخن وملعقة كبيرة عسل و ٢ ملعقة بودرة الكريم شانتيه ونقلب بسرعة واول ما يبرد خالص هنضيفه للتورتة من فوق وتدخل الثلاجة لنصف ساعة و بألف هنا
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات