اولا نقوم برحي البصل والثوم نحطهم يتقلاو مع الزيت و التوابل ولحم والحمص في صاشي ونثقبها مع فنجال ماء ونخليهم يتقلاو مليح حوالي 20دقيقة

بعدها نسوم الكسكس بالماء ونخليه يركح شوية ونصفيه ونخلي الكسكس تعنا ينشف مليح ونحط شوية زيت وندخلوه فالكسكس مليح ونفوروه الفورا لولا ومبعد نزلوه نبخوه مليح بالماء ونفورو للمرة الثانية وكي نزلوه نديرلو مغرف كبيرة زبدة ونغطوها باه تبقالنا سخونة.

نرجعو للمرقة تعنا بعد متقلات مليح نمرقها ونحط الطماطم المصبرةوالخضرا نديروها في صاشي ونملحهم ونغلقها ونثقبها ونحطهم يطيبو با ما يدوبولناش ونخلي المرقة تعنا تخثار كي نولي حنطفي نغسل فلفل حار و نرميه فالمرق

بعدها نوجد كسكس تعنا ونزينو بالخضر و اللحم والحمص ونسقيه بالمرق و#شهية طيبة