تشاراك برستيج

نبدأ بالعجينة:في طبسي نحط الفرينة (طحين) السكر الفانيلا الملح ونخلط ونزيد نبسسهم بالسمن مليح ونطم بالماء وماء الزهر حتى نحصل على عجينة متماسكة وطرية نغطيهاونخليها ترتاح

تحضير الحشو:نحط الكاوكاو والسكر في إناء ونخلطهم مع بعض مليح ونطمهم بالماء الزهر حتى يتلم

نقطع العجينة الى كرات صغيرة ونبدا نحلهم على شكل مثلث ونحط الحشو ونروليها ونشكلها على شكل هلال بحيث لازم تكون خشينا في النص ورقيقا في الجناب نكمل الحبات كامل ونحطهم يطيبو

نحضر الكلاصاج تاع الشوكولاته بتذويب الشوكولاته فوق حمام مائي

نغطس نصف حبات التشاراك في الكلاصاج ونخليها تنشف

بعدما تنشف نقوم بمسح النصف الاخر بالعسل بواسطة بانسو ونغطسها في الكاوكاو مرحي وبالصحة