بطاطا كوشة مع دجاج

في كوكوط نضع الزيت و البصل المقطع قطع صغييبرة و ثوم المرحي نقلي جيداً و نضع الدجاج و التوابل و الرند والزعيترة و طماطم المرحية و طماطم المصبرة و نقلي جيداً و نضيف المعدنوس (بقدونس) و نمرق و نغلق الكوكوت (الطنجرة)

نقشر البطاطا و نقطعها دوائر و نقليها في االزيت و نحمرها شوية

لما يطيب (يستوي) الدجاج و نتحصل على مرق (عاقد) نفرش البطاطا المقلية في صينيه و نفرغ عليها المرق و نضع الدجاج من الفوق و ندخلها للفرن نشعله من تحت و نخليها تتجمر و نشعلها من فوق ونحمر الدجاج و شهية طيبة