عدس احمر
#المرور_الاول
حكايتي مع العدس هذا الاحمر هو أنه كنت ماناكلوش ناكل غير الاسمر ، مبعد حكمتني لانيمي قاوية أو فقر الدم و قالولي مليح بزاف ، عدت نحتمو على روحي و ندخل عليه مكونات جديدة باش نقدر ناكلو حتى مع الوقت أصبح من ماكولاتي المفضلة ، و الحمد لله على نعمه
عدس احمر
#المرور_الاول
حكايتي مع العدس هذا الاحمر هو أنه كنت ماناكلوش ناكل غير الاسمر ، مبعد حكمتني لانيمي قاوية أو فقر الدم و قالولي مليح بزاف ، عدت نحتمو على روحي و ندخل عليه مكونات جديدة باش نقدر ناكلو حتى مع الوقت أصبح من ماكولاتي المفضلة ، و الحمد لله على نعمه
الخطوات
- 1
اولا نقوم بتنظيف الخضر ، فالاول كنت ايحة نستعمل حبة طماطم و ملعقة طماطم معلبة ، مبعد قلت علاه مانخليهاش صحية أكثر و ندير غير طماطم حب ، هنا ضفت تاني حبة
- 2
نقوم بطحن البصل و الثوم و من جهة أخرى نقطع الجزر و الكوسى و نحطولهم الزيت و نخليوهم يتقلاو ، كي يتقلاو شويا نحطولهم الملح و التوابل و الطماطم مرحية نخليوهم يزيدو يتقلاو بعدها نضيفولهم الماء ساخن و نخليو الخضر يطيبو
- 3
كي نشوفو الخضر نص طياب نضيفو العدس بعد ما كنا نقيناه و غسلناه مليح و نخليوه يطيب (يستوي) في راحتو حوالي 20 دقيقة أو أقل
- 4
كي يطيب (يستوي) العدس و الخضر و يكون المريق مليح نطفيو عليه و نقدموه ساخن ، انا نحبو مع الليمون نحط فيه عصير الليمون و ناكل مممم لذة لا توصف ، ننصحكم تجربوه لذيذ و صحي 😘
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات (4)