كراتان باذنجان

نغسل الباذنجان ونقطعو طوليا ونقليه

نقطع البصل والثوم قطع صغيرة ونديرها فالمقلاة مع شوية زيت يتقلا ثم نضيف اللحم المرحي والملح والتوابل ونخليهم يطيبو مع بعض

ندير البطاطا فالماء تطيب كي تطيب نهرسها مليح وندير مغرف زبدة وشوية ملح معاها ونمحيها مليح ونضيف معاها شوية خليط اللحم المرحي وقليل من زيتون أخضر مقطع ونخلطهم مع بعض

نحضر الصلصة نرحي الطماطم والثوم ونضيف الملح والتوابل وشوية زيت وملعقة طماطم ونخليهم يطيب

نوجد المول ديالي ندير من تحت شوية صلصة ونستف الباذنجان ونحط فوقو خليط البطاطا وفوقها خليط اللحم المرحي ونزيد فوقها نستف الباذنجان ونزيد من فوق باقي الصلصة ونزيد الجبن ونحطها فالفرن تتحمر وشهية طيبة للجميع😋