طاجن الفول
-
om awladi“محروقين اهم من كل حتة” -
om awladi“اما دول اللى حرقتهم 3 مرات من جوة ومن برة” -
om awladi“وده الطاجن اللى عملت فيه الفول” -
om awladi“وده الطاجن اللى عملت فيه الفول من جوة ومن برة هتلاحظيه مخرم فممكن ارجع ادهنه تانى واحرقه علشان مايبوظش” -
om awladi“شوفى دول لسه جايباهم جداد علشان الزبادى فقط هم صغيرين وبيلمعوا مش بجيب منهم علشان الاكل”
#المرور_الاول
طاجن طعمه لذيذ جداً وصحة ومش مكلف
الخطوات
- 1
بالنسبة للصنف ده انا مخصصة طاجن محندق كده علشان احتفظ بطعم حلو اوي في كل مرة اعمله فيها هنحط الطاجن ده على النار معاه شوية زيت او سمنة وعليه البصلة
- 2
البصلة بس تذبل وتنزلى عليها بالفلفل وممكن لو بتحبى الحراق تضيفى فلفل حار
- 3
وبرده الفلفل يذبل تنزلى بالطماطم
- 4
وبعدين الطماطم تذبل تنزلى بمعلقة الصلصة ومش عاوزين الخلطة دى تتسبك هي تذبل بس
- 5
انزلى دلوقتى بالفول وسيبيه ياخذ ويدى مع نفسه وياخدوا كلهم من طعم بعض علشان كده ماحمرناش اي حاجة ولا زودنا عليها التسوية
- 6
ولحسن الحظ كان الفول عندي طالع طازجة من القدرة....ياسلام سلم
- 7
كل ده والنار هادية اوي علشان التسوية تبقى اخر مزاج وكمان الطاجن مايطقش
- 8
سيبيه لحد ما ماء الفول تتقل وتحسى المكونات بدأت تذوب كده وتندمج وهتضيفى شوية كزبرة وكمون بالنسبة لى بحط الكمون صحيح علشان مايمررش
- 9
كل ده والنار هادية والطاجن متغطى ومتدفى كده وممكن تحطيه في الفرن انتى وراحتك وممكن تحطى بيض على وشه وتسيبيه يستوي بيبقى روعة بس انا مكنش عندي
- 10
اول ما تقفلى النار حطى رشة الشبت ودى اضافة عظيمة بتنقلى الطبق في حتة تانية خالص وبصراحة انا اصلا بحب الشبت
- 11
دلوقتى قدمى الطبق واستمتعى واتدفى انتى وعيلتك في البرد ده وبالهنا والشفا مع شوية طرشى بلدي بيتي لذيذ وشوية سلطة وياسلام عليه مع عيش بتاو ولا رغيف عيش مقمر ومفقع
- 12
زي ماقولتلك ممكن الطبق ده تضيفى على وشه بيض او قشطة او تضيفى عليه سجق او تحطى حتة فحمة وتكمريها على فكرة في اماكن كتير بتقدم الطاجن ده ب20 و30 جنيه ودى اكتر حاجة انا استغربتلها بس هو يستاهل
وصفات مشابهة
وصفات ننصحك بمشاهدتها
التعليقات (3)