مسفوف

نقي الزبيب وديريه فماء دافئ شوية

حطي الكسكس في قصعة ديريلو شوية زيت وخليه ثم ديريلو الماء وخليه بتشرب

نحي الزبيب من الماء وديريه يتفور

كي يتشرب الكسكس يكون متلاصق حركيه بين يديك باه يتفتت او خرجيه فالسيار (اَرَبَاحْ) باه يخرج الكسكس متفور مليح مايكونش مبلور

كي ندير الكسكس يتفور نحي الزبيب نحطو وحدو ونفور الكسكس التفويرة الأولى

كي يفور نحيه ونرشو بشوية ماء ونخليه يتشرب ونرجع الزبيب يتفور

كي نشوف الكسكس تشرب الماء تاعو نديرلو شوي زيت ونملحو نورمال ونحطو يتفور فوق الزبيب للمرة الثانية

كي يتفورو نحيهم ونحطهم فالقصعة نديرلو الزبدة حوالي 250غ والسكر حوالي كأس ونص وهو سخون باه يذوبو فيه ونخليه يتشربهم

كي نجي نقدمو نعاود نسخنو ،نحطو فالكسكاس ونشوف اذا خص الزبدة او السكر ونزيدلو شوية ويتقدم اذا بغيتو زينوه بالمكسرات ويتقدم مع الحليب او الرايب وشهية طيبة للجميع 😘 👍 😋