بنجيب الفراخ وبنفتح فيها حتت بالسكينة عشان التتبيلة تدخل جواها ونجيب بولة كبيرة ونحط فيها الدبابيس ونفتحها حتت صغيرة بالسكينة ونحط عليهم الزبادي ومعلقة صلصلة وكل البهارات ما عدا الكزبرة الناشفة ونسيبهم ساعتين على الاقل في التتبيلة

بنقطع البصل شرايح مقسومة نصين وبقليهم لوحدهم في زيت كتير وبشيلهم على جنب وبصفيهم كويس من الزيت

حلة كبيرة وبنحط معلقتين زبدة صفرا كبار وحبة زيت صغيرين.. أول مايسيحوا بحط مستكة واقفل الحلة كام ثانية المستكة تذوب وبعد كدة بحط الفراخ تتحمر وبقلبها لحد ماتاخد لون وبشيلهم على جنب

نفس الحلة بنحط فيها حبة بصل من المقلي وعليهم فلفل أخضر متقطع ونشوح لحد ما الفلفل يذبل ونضيف عليهم الكزبرة الناشفة... بعدها بنحط معلقتين كبار صلصة ونقلب شوية وبعدها نحط الطماطم ونخفف النار ونقلب ونحط وحبهان وورق لورة ونفس البهارات اللي حطيناها على الفراخ ونسيبهم عشر دقائق... وبعد كدة نحط الفراخ ونقلب ونسيبهم على النار ربع ساعة

بنحط ماء لحد مابنغطي الفراخ ونسيبهم يغلوا وتظبط الملح لحد مايستووا أول ما الفراخ بتستوي بنشيلها على جنب تاني

بنغسل الرز ونحطه في الحلة ولو محتاج ماء تاني بنزود ونسيبه يستوي * رز الضحى غالي بس طعمه حلو بس ممكن تتعمل برز عادي*

بعد مع الرز يستوي بنغرفه في طبق كبير و على الوجه البصل المقلي و كزبرة خضره متقطعة وعليهم الفراخ وممكن حمص ومكسرات حسب الرغبة والف هنا

نيجي للصوص بقى نضرب كل مكوناته في الخلاط وبيتاكل جنب الطبق الرئيسي والف هنا تاني