الخطوات
- 1
اولا نقوم بغسل الخضر جيداً لي رايحين نشوطوهم الى هوما الفلفل و الطماطم و كاين الى يحب حتى يشوط البصل و الثوم معاهم هاديك حسب الرغبة
- 2
نشفو الخضر بعد ماغسلناهم و نبداو بالفلفل ، نحطوه يتشوط و نحاولو نقيسو كامل البلايص
- 3
كي تتشوطلنا الحبة مليح نكونو موجدين كيس بلاستيكي أمامنا نحطو فيه مباشرة و نغلقو باش تتعرق الحبة و يجينا ساهل باش نحيو القشرة السوداء
- 4
بعد ما نكملو الفلفل كامل ننتاقلو الطماطم و نعاودو معاها نفس العملية نشوطو و نحطو فالكيس البلاستيكي ، لكن اتولهو الطماطم ماتديش وقت كيما اي مثل الفلفل هي تتشوط ليه ليه
- 5
كي نخلصو عملية التشواط نقشرو البصل و الثوم و نغسلوهم و نقصوهم قطع صغيرة أو رقيقة
- 6
بعدها نبداو نقيو الفلفل حبة حبة و بظهر السكينة باش تجينا العملية سهلة نقيوه مليح من القشرة تاعو و نقصوه و نحطوه مع البصل ، نكملوهم كامل نحطولهم شويا زيت و نحطوهم يتقلاو
- 7
الوقت لي يتقلاو في الخضر نروحو نقشرو الطماطم و نقصوها قطع صغار ، كي يدبال البصل شوي نحطو و الطماطم و الملح و التوابل و نخليوهم حوالي 5 دقائق يغليو و يتنكهو و نطفيو عليهم و بالصحة و الهناء
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات (8)