تورتة البلاك فورست

اول حاجه نعمل الكيك الاسنفجي. نخلط الدقيق والبيكنج بودرة في بوله وعلى جنب

وبعد كده نضيف السكر البودره والبيض والفانيليا ومحسن الكيك الجل على بعض وتضرب فيهم لحد مايعملو منقار البطه أما تشيلي المضرب

وأما نوصل للقوام المطلوب للبيض ننزل سرعه المضرب على اقل حاجه ونبدأ نضيف الدقيق واحده واحده لحد ما يختفي كله في البيض

ونكون محضرين صينيه مدهونه زيت ومتغلفه بورق زبده واهم شئ نعلي ارتفاع الصينيه بورق الزبده علشان الكيك تأخذ راحتها

وندخلها الفرن على نار هاديه لحد ما تستوي... اهم شئ لو فرن كهربا او فرن البوتاجاز نكون مطفيين من فوق خالص لحد مانحس أنها بقت على وشك السوا ساعتها شغل الشوايه تأخذ لون وتكمل سواها

بعد كده اول مانخرجها من الفرن نحاول نشيل من عليها ورق الزبده علشان مايلزقش فيها.. ونحطها على شبكه أو حاجه تبرد خالص

وبعديها نقطعها اربع طبقات ونسقيها بالشربات الخفيف بفرشاه أو بخاخ علشان يتوزع كويس

ودلوقتي وصلنا لمرحله التزيين

نحضر الكريم شانتيه.تفضي الكريم شانتيه الخام في بوله ونسيب شويه صغيرين في الكيس علشان لو خف مننا نقدر نتقله تاني

نحط على الكريم شانتيه مج ماء متلجه ومعلقتين السكر البودره لانه مابيكونش فيه سكر ونحط تذكرة فانيليا هتخلي طعمه احلى ونضربهم لحد مايتضاعف حجمه ولو حسيتي أنه تقيل جامد ممكن تخفيه بشويه ماء

وناخد نص الكريم شانتيه اللي عملنا ونضيف ليه معلقتين كبار نسكويك أو كاكاو اللي موجود عندك ونضربه كويس ونحشي بيه بين الطبقات

ونغلف التورتايه من بره بكريم شانتيه ابيض

ونرش عليها الشوكولاته المبشوره ونزينها بالكريز

وبالف هنا