بسكويت التمر احلى من بره مليون مره

هنجيب بوله ونحط فيها السكر والزبده ونضربهم بالمضرب الكهربائي كويس

وبعدين ننزل البيض والفانيليا

هنضربهم كويس لحد م تبقي طريه معانا

هننزل بالدقيق والنشا والبيكنج باودر هنسبها ترتاح حوالي 10دقايق

هنحط العجين وسط كيس من بتاع الثلاجه ونفرد بالنشابه

هتبقي سمك اقل من نص سنتي

هندعك العجوة مع الزبده بايدينا منحطهاش على النار علشان متخشبش معاكي

هنفرد العجين بالنشابه زي م فردنا العجين

هنحط العجوه على العجين ونبدأ نقفل كويس

ونقلبها على الوجه التاني ونبدأ نعمل فيها خطوط بالسكينه ونقطعها بقي بالحجم اللي تحبيه

وممكن نعمل شكل تاني بالشكوكه على العجينه بردوا