طريقة خلطه المحشي 👌

هنحط زيت ومعلقه سمنه على النار

بعد كدا هنضيف البلد وهنستني لما يذبل وبعدين نضيف فصين الثوم وقرن الفلفل الحامي وتقلب لحد م يصفر مش يحمر بعد كدا نضيف الطماطم من غير م تتصفي طبعاً

لما الطماطم تغلي مع البصل هنزال ملعقة سكر صغيرة علشان تعادل حموضه الطماطم ومتعملش حموضه وبعدين معلقتين صلصة طماطم ونقلب

ازاي اعرف ان الطماطم اتسبكت هتلاقي الطماطم كلها تحت والزيت او السمنه فوق بعد كدا هنضيف الخضره اللي هي الشبت والبقدونس والكزبره ونقلب وبعد كدا البهارات

نضيف الرز ونضيف لو حتى معلقتين لحمة متعصجه بتدي طعم حلو

هنحط في قاع الحله العنوق اللي طلعناها من الشبت والكزبره والبقدونس او ممكن بصل وطماطم طرنشات وممكن عنوق الكرنب (الملفوف)

ونحشي بقي كرنب (ملفوف) او ورق عنب ورق سلق فلفل كوسه اللي تحبيه ونسويه وبالف هنا