اول خطوة نقوم بتحضير العجين وهى طريقة سهلة ، لانه عجين المحاجب نحط السميد مع الفرينة (طحين) والقليل من الملح ونلمهم بالماء ، ونولى نعجن فيه بالماء حتى نتحصل على عجينة متماسكة ، ونتركها ترتاح ثم نقرصها ونزيد نخليها ترتاح اومبعد نطيبها عادي في الطجين المخصص للمحاجب.

والخطوة الثانية نحضر المرق نضع الدجاج في القدر مع القليل من الزيت و الزبدة و البصل والثوم المسكرفجين ونخليهم يتقلاو على نار قليلة مدة 5 دقائق ، ثم نضيف حبة الطماطم المسكرفجة ونزيد نخليهم يتقلاو شوية، وفي الاخير نضيف الملح والتوابل والبطاطا والحمص وطماطم العلب والهريسة ونمرق بالماء الدافئ ، ونتركهم حتى ينضج الدجاج ثم نحيه ونحمرو في مقلاة مع قطعة من الزبدة.

وفي الاخير نجيب الشخشوخة بعد ماطيبتها نقطعها قطع ونفورها في كسكاس فوق قدر بيه قليل من الماء، وكى تفور نوضعلها القليل من الزبدة ونمرقها بالمرق و نزينها بالدجاج والبطاطا والبيض.