إفتح في تطبيق كوكبادالخطوات
- 1
بسم الله و الصلاة و السلام على رسول الله
- 2
اول حاجة نبداو بيها هي العجينة ، نخلطو السوائل مع بعض مع الخميرة و السكر نخلطوهم مليح و نخليوهم على جنب حوالي 10 دقائق حتى تتفاعل الخميرة
- 3
بعدها نضيف الفرينة (طحين) و الملح و خميرة الحلويات و نعجو في نفس الوقت حتى نتحصلو على عجينة طرية ، نحطو شويا زيت الزيتون و نحطو فوقو العجينة و نغطوها و نخليوها نرتاح في جو دافيء حتى يتضاعف الحجم
- 4
فالوقت لي تكون العجينة تختمر نجهزو الصلصة ، نحكو الطماطم و الثوم و نحطوهم فوق النار مع شويا زيت الزيتون ، كي يتقلاو شويا نضيفولهم الملح و التوابل و الطماطم المعلبة و الكاتشوب و شويا معدنوس (بقدونس) اذا توفر و نخليو الصلصة طيب على نار هادئة حتى تختار
- 5
كي طيب و تخلص نحطولها شويا حبق و زعتر
- 6
بعد ما تكون العجينة خمرت نجيبوها نكسرولها الخمور تاعها و نقسموها كريات و نخليوهم 5 دقائق على جنب قبل مانبداو نخدمو فيهم
- 7
مبعد نطرحو بالكرية و نطبعو باي حجم حنا حابينو ، انا مادرتهمش صغار بزاف درتهم متوسطين ، نطبعو و نحطو في المول
- 8
نحطو فاق الحبات تاعنا صلصة الطماطم و نوزعوها ، و نزينوها بشيء لي عندنا في البيت انا درت زيتون اسود و جبن و بيض مسلوق
- 9
بعد ما طيب البيتزا تاعنا نكونو موجدين في كأس خليط زيت الزيتون و زيت المائدة و شويا ماء اول مانخرجوها من الفرن نحطو شويا جبن خاص بالبيتزا و شويا من الزيت رايح يمدلها بنة و طراوة لا توصف
- 10
هذه العجينة تقدرو تخدمو بيها بيتزا كبيرة عادي ، نتمنى تعجبكم الوصفة و تجربوها مش رايحين تندمو عليها ، و بصحتكم مسبقا 😋😋
من تفاعل بإيموجي
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفة من
وصفات مشابهة
-
-
-
-
-
ميني بيتزا ميني بيتزا
#حفظ_النعمةميني بيتزا هذي لي يليق فهذ صيف خفيف ظريف سرتو في هذالمرض نتع كورونا كلشي مبلع ربي يرفع علينا هذ الوباء
-
-
ميني بيتزا ميني بيتزا
#بوقالات_جزائريةبسم الله بديت و على النبي العدنان صَلَّيْتَ و ليكم يا لبنات هاذ البوقالة نويتقولو قولو و القول سبق فيكم انا أديت اللي حبيتو و عشرة في عينيكم
-
ميني بيتزا ميني بيتزا
#طبخات_الفرولات🍓🍓🍓،،،،كما اخبرتكم سابقا بعض المقبلات البسيطه مثل السوفلي والميني ببتزا والحميص مع سلاطه انا اعتبرهم كعشاء خفيف وكوجبه كامله
-
-
-
-
التعليقات (7)