في كسرونة نحط الماء و الحليب و الزيت يدفاو ثم نضيفلهم كاس فرينة (طحين او دقيق) و ملعقة كبيرة خميرة و ملعقة كبيرة سكر و نخلطهم جيداً و نغطيهم نخليهم يخمرو 10 دقائق من بعد نضيفلهم كيس خميرة كيميائية و النشاء و حليب بودرة و الملح

و نخلطهم جيدااا ثم نضيف الفرينة (طحين) بالتدريج حتى تتلم و نتحصل على عجينة طرية و تتلاصق قليلا

نعجنها قليلا ثم نضيفلها الزبدة و نحاول ندخلها جيداا في العجين و نزيد نغطيها و نخليها ترتاح 30د ، في مقلاة نحط القليل من الزيت يسخن ثم نضيف نصف حبة بصل مقطعة مكعبات نذبلها و نضيف الدجاج مفروم ملح و فلفل اسود و رشة معدنوس (بقدونس) نبقى نقلب فيه و نحاول نقسمو ما نخليهش قطعة واحدة باه نتحصل على دجاج مفروم

بعد ما ترتاح العجينة نقسمها الى 3 كور و نحطها في صينية و نحلها ثم نضيفلها صلصة الطماطم و كمية من اللحم الدجاج مفروم و قطع من الجبن الطري

و فالاخير نضيفلها جبن مبشور و زيتون اسود و ندخلها لفرن مسخن على اعلى درجة حرارة كي طيب نخرجها و نقطعها و نقدمها بالصحة و الهنا 😇😇